Skilgreiningar úr ÍST 30:2012:
Aukaverk: ,,Þau verk eða verkþættir sem óhjákvæmilegt er að framkvæma til að unnt sé að ljúka verksamningi en ekki er getið um í verklýsingu og/eða magntöluskrá."
Viðbótarverk: ,,Þau verk eða verkþættir sem verkkaupi óskar eftir að framkvæmd verði, og ekki lá fyrir ákvörðun á útboðsstigi um að framkvæma og ekki er nauðsynlegt að framkvæma til þess að unnt sé að ljúka við verksamning."
Ef ákveðið atriði eða atvik hindrar framvindu samkvæmt verksamningi og það er talið nauðsynlegt að því sé lokið áður en framvinda heldur áfram, þá er um aukaverk að ræða.
Ef verkkaupi óskar eftir breytingum á verki sem ekki eru tilgreind í verksamningi aðila þá er það viðbótarverk.
Mestu máli skiptir að bókað sé um viðbótarverk og aukaverk í verkfundargerð. Samhliða slíkri bókun þarf að bóka um hvaða áhrif verkið hefur á verklok og dagsektir.
